2023-yildan yana bir guruh talabalarning kontrakti Davlat byudjetidan toʻlab beriladigan bo‘ldi
20.02.2023 18:38
Abituriyentlar uchun
➡️ DTM BLOK TESTLAR
Qoʻshma taʼlim dasturlarida oʻqiyotgan ayrim talabalarning kontrakti Davlat byudjetidan toʻlab beriladi
Prezidentning 2022-yil 21-iyundagi PQ-289-sonli qaroriga asosan, 2023/2024-oʻquv yilidan boshlab, pedagoglar tayyorlovchi oliy taʼlim muassasalarining qoʻshma taʼlim dasturlarida tahsil olayotgan talabalarning hamkor xorijiy OTMda oʻqish davri uchun toʻlov-kontrakti Davlat byudjeti mablagʻlari hisobidan qoplab beriladi. Bu haqda "Ta’lim nazorati" kanali eslatib o‘tmoqda.
Bunda:
- pedagog kadrlar tayyorlovchi OTMlarning qoʻshma taʼlim dasturlarida toʻlov-kontrakt asosida taʼlim olayotgan va yuqori akademik koʻrsatkichlarga ega boʻlgan talabalari oʻrtasida tanlov oʻtkaziladi;
- tanlovda gʻolib boʻlgan talabalar bilan davlat maktabgacha, umumiy oʻrta, oʻrta maxsus, professional va oliy taʼlim muassasalarida kamida uch yil ishlab berishni nazarda tutuvchi shartnoma rasmiylashtiriladi.